زیندە خەون لە کورتە رۆمانی خەونی جاڵجاڵۆکەکانی )شێرزاد حەسەن)دا

پوختە

ئەم توێژینەوەیە کە تیایدا خەون وەک ڕەگەزێکی گرنگی چاڵاکی کۆمەڵایەتیی و دەروونی مرۆڤ بەرجەستەکراوە، ژن و مێردێک لەزیندە خەونێکدا دەبن بە جاڵجاڵۆکەی نێر و مێ، کە لەڕووی لەزەت وسێکسەوە کاتی چێژی جووت بوونی جاڵجاڵۆکە ماوەی زیاترە لەمرۆڤ بە شێوەیەکی ناوازە، توێژینەوەکە بە ناونیشانی (زیندەخه‌ون له‌ كورته‌ ڕۆمانی (خه‌ونی جاڵجاڵۆكه‌كان)ی شێرزاد حه‌سه‌ن) ە، تیایدا کۆنەپارێزی خانەوادەیەکی باشوری کوردستان لەگەڕەکێکی عەوامی شاری هەولێر لەسەدەی ڕابردوودا کاریگەری داب و نەریتە کۆمەڵایەتییەکان و ئایین زاڵە بەسەر هەڵسوکەوت و کلتوری ئەم خانەوادەو سەدان خانەوادەی دیکەی ئەم شارە، ڕێچکەی ژیانیان تاڵ دەکات، کارەکتەری سەرەکی کورتە ڕۆمانەکە، دەیان کتێبی قەدەغەکراوی ئایینی ودژە ئایینی دەخوێنێتەوە، لە ئاکامدا تووشی دەیان نەخۆشی دەروونی وبینینی خەونی بێ سەروبەر دەبێت، لەڕووی ئایینی و کۆمەڵایەتی و دەروونییەوە، چەندین گیروگرفتی توش دەبێت، پەل دەهاوێت بۆ ئەوەی خۆی لەم ژینگە ئاڵۆزە ڕزگار بکات، بەڵام لەلایەک داپیرەی و لەلایەکی دیکە کۆلکە مەلا ئاستەنگی بۆ دروست دەکەن. نووسەر زانستی ڕووتی توێکاری کۆئەندامی زاوزێی ژنانی، زانستیانە خستووەتە ڕوو، جۆرێکە لە ڕۆمانی زانستی، هەروەها جۆرەکانی خەون، زیندەخەون تەوەرەی سەرەکی ئەم توێژینەوەیە بەنموونەی کورتە ڕۆمانەکە خراوەتە ڕوو، هەروەها زانستی دەروونزانی تیایدا کەسایەتی سادیزمی داناوە بۆ خێزانەکەی کەناوی پاکیزە، لە بەرامبەردا مێیەی جاڵجاڵۆکەیە، ماسۆشیزمی بۆ کەسایەتی خۆی داناوە، وەکو قوربانی لە نێرەی جاڵجاڵۆکە بەرجەستە کردووە.